نطاق الأسعار
$
تفاصيل عنا
قليل جدا اللي يعرف انه موجود بالرغم من إنه تحفة فنية و معمارية أثرية و التذكرة ب ١٠ جنيه بس، و ليه كوبري على كورنيش النيل شكله مميز اوي و اتصور عنده مشاهد كتير في أغاني أو أفلام و ناس كتير كانت فاكرة إنه برة مصر
القصر اتبنى سنة ١٨٥١ يعني من ١٦٧ سنة، و دخل من ضمن الاثار بعد ١٠٠ سنة من تاريخ بنائه سنة ١٩٥١ و تحول من قصر لمتحف
مالك القصر هو حسن فؤاد المانسترلي باشا "اصله من مانستر في مقدونيا" و كان منصبه إنه محافظ القاهرة سنة ١٨٥٤ و في و كان وزير الداخلية سنة ١٨٥٧
القصر مساحته ١٠٠٠ متر مربع و دا كان "كشك الشاي" لسكان القصر، و فيه قاعة سقفها مصمم على شكل قبة عشان دي كانت القاعة الخاصة بسماع الموسيقى و التصميم دا يغني عن استخدام ميكروفون، و فعلا كنت حضرت من كام سنة حفلة بيانو و جيتار في القصر و استغربت جدا من عدم وجود ميكروفون واحد "قبل ما اعرف فكرة التصميم" و الصوت كان فعلا ممتاز
القصر جماله خيالي هو فعلا عبارة عن قصر في قلب النيل لوحده كدة، لدرجة إن دا المكان اللي كان فيه مقياس نهر النيل" هنتكلم عنه بالتفصيل المرة الجاية"
تخيوا إن كل دا كان "كشك الشاي" أما باقي القصر كانت مساحته أكبر من كدة بكتير و كان فيه الحرملك و السلاملك "لو تسمعوا عنهم" و اسطبل خيل و حجرات للخدم، بس أغلب الحاجات دي كلها اتهدت بعد ثورة يوليو عشان يتعمل مكانها محطة مياة الروضة
حاليا القصر مفتوح للزيارة يوميا، و بيتعمل فيه حفلات موسيقية و ممكن يتحجز فيه photo session او يتعمل فيه فرح "اكيد هيكون فرح اسطوري" بس دا بيكون بموافقة من الاثار و اللي عرفته إن المكان دا في الزمالك
مواعيد الزيارة كل يوم من ٩ الصبح ل ٤ العصر
التصوير بالموبايل مسموح لكن ممنوع تصوير ڤيديو حسب تعليمات المسؤولين هناك
بس عموما ممكن تتصوروا فيه صور خيالية بالموبايل بس خد حد من صحابك يكون بيعرف يصور كويس " هتندهش"
التذكرة للمصريين ب ١٠ جنيه
اللوكيشن
-
1 الملك الصالح، قسم مصر القديمة، محافظة القاهرة 4240101
اكتب تقييم