نطاق الأسعار
$$
تفاصيل عنا
دة من أقوى مطاعم المنصورة من سنة ١٩٧٧ و ليهم فرع واحد في القاهرة بقاله ٥ سنين
لما تروح هناك أطلب بقلب جامد و انت ضامن إنك هتاكل حاجة تنبسط منها
ارشحلك بقوة فتة الموزة، طاجن النيفة بورق العنب، الرز المعمر، الحمام و المشويات عموماً كلها رائعة
الطعم، التسوية، الكمية، جودة الخامات نفسها و الخدمة ١٠/١٠
و طبعا في منيو السمك و السي فود .. انت ممكن تختار من العرض السمك و الجمبري و الكابوريا كل حاجة بالوزن و طريقة التسوية
و ممكن تختار من المنيو على طول .. جربنا طبق اسمه رويال ميكس سي فود فيه سمكة دنيس و جمبري و سبيط و بيتقدم معاه رز بالجمبري مع شوربة سي فود "وجبة كاملة مش طبق عادي"
أحلى حاجة في الصباحي إن عندهم كل مستويات الاسعار و الاهم السعر المكتوب في المنيو هو اللي بتدفعه فعلا "مبتدفعش أي زيادة"
يعني مثلا النص فرخة مشوية بالرز ب ١٦٠ جنيه " دا سعر ممتاز على فكرة" انت هتدفع ال ١٦٠ بس
ديكورات المطعم شيك جدا و في دور كامل مخصص للاجتماعات و الشركات ، تبدأ من ١٠ أفراد مع توفير الاكل طبعا.. و في قاعات كبيرة اوي للشركات و الجروبات الكبيرة
اللوكيشن
-
17 شارع نادي الصيد، الدقي، قسم الدقي، محافظة الجيزة 3751062
اكتب تقييم