نطاق الأسعار
$$
تفاصيل عنا
وبعدين بقى في وسط البلد اللي كل يوم تفاجئنا بحاجة جديدة
الخروجة الاقتصادية الجميلة في المنظر اللي قدامك دة
وجبة وسط البلد (فراخ مقلية و بطاطس و رز) ب ٤٠ جنيه
و ٣ وجبات كومبو .. الواحدة منهم ب ٥٠ جنيه
أنت تتفق مع صحابك تنزلوا يوم تتمشوا في شوارع وسط البلد
متع عينك بشكل المباني العريقة و تصميماتها الاوربية الجميلة و تتصوروا مع بعض شوية
احنا عملنا كدة بالظبط و قولنا نجرب نكتشف مكان جديد يمكن نلاقي حد يبهرنا
لاقينا مطعم جديد اسمه ((ڤالينسيا - Valencia))
بيعمل ساندوتشات سماش برجر، فرايد تشكين و تشكين برجر و أسعاره حلوة اوي
ساندوتش البرجر بيعملوه سماش، و في منه 5 انواع مختلفين، و دايما لما أحب أجرب ساندوتش في مكان جديد بختار الكلاسيك عشان اعرف مستوى البرجر نفسه عامل ايه .. و حقيقي كان ممتاز
و دا اللي شجعني اجرب باقي الانواع زي المشروم، البيف بيكون البصل المكرمل و ال Sweet & Sour
في كمان ساندوتشات ال chicken دي بقى للناس اللي بتحب القرمشة و احلى حاجة ان الفراخ متبلة كويس و الفراخ نفسها نضيفة .. جربوا اللي بصوص الرانش حلو اوي
ساندوتش ال Chicken burger طلبته دبل ساندوتش تقيل اوي يعني تحس انك شايل وزن في ايدك فا اكيد دا لما تاكله هيسد معاك لاخر اليوم و ارشحلك تجرب ال Italiano و لو بتحب الحراق اطلب Jalapeno حرااق بلا رحمة
في مكان indoor تقعد تاكل براحتك و في كمان قعدة outdoor بتبقى حلوة اوي بالليل
عاملين Coffee-Bar لو حبيت تشرب شاي، قهوة بكل انواعها
اسعارها بتبدأ من ١٠ جنيه و اغلى حاجة فيها ب ٣٠ جنيه
اللوكيشن
-
3 الفضل، باب اللوق، عابدين، محافظة القاهرة 4280150
اكتب تقييم